Cefnogwch ddy-

fodol Ysgol

Gymraeg Llundain

Pam mae angen eich cefnogaeth arnom Fel llawer o ysgolion bach, rydym wedi teimlo effeithiau costau cynyddol a chysgod hir y pandemig. Er bod ein niferoedd presennol o ddisgyblion yn is nag yn y blynyddoedd diwethaf, mae ein dyfodol yn llawn addewid - yn enwedig gyda thwf anhygoel Miri Mawr, ein grŵp babanod a phlant bach, sydd wedi treblu o ran maint ers mis Medi 2024. Y rhai bach hyn yw'r genhedlaeth nesaf o ddisgyblion - ond mae angen cefnogaeth arnom nawr i bontio'r bwlch nes eu bod yn ddigon hen i ymuno â'r ysgol yn llawn. Gyda'ch help chi, gallwn sicrhau bod Ysgol Gymraeg Llundain nid yn unig yn goroesi - ond yn ffynnu. Tair ffordd i wneud gwahaniaeth 1. Lledaenu'r gair Mae rhannu ein stori yn un o'r pethau mwyaf pwerus y gallwch chi ei wneud. • Dewch yn llysgennad ysgol: A allai eich sefydliad, grŵp neu fusnes ein cefnogi trwy rannu ein stori ar eich gwefan neu ddeunydd marchnata? Byddem wrth ein bodd yn dychwelyd y ffafr a dathlu ein cysylltiad. Cysylltwch â ni yn info@ysgolgymraegllundain.co.uk • Rhannwch ein hapêl ar gyfryngau cymdeithasol: Postiwch am yr ysgol ar lwyfannau fel Facebook, Instagram, X, neu LinkedIn. Mae pob rhanniad yn ein helpu i gyrraedd mwy o deuluoedd a allai ymuno â ni ryw ddydd. Rydym wedi pinio postiadau y gallwch eu rhannu'n hawdd. 2. Rhoi'n ariannol Mae pob cyfraniad yn gwneud gwahaniaeth gwirioneddol. Rydym yn gweithio'n galed i gau'r bwlch rhwng incwm a chostau dros yr ychydig flynyddoedd nesaf, a gall eich cefnogaeth ein helpu i gyrraedd yno. Ffyrdd o roi neu godi arian: • Gwnewch rodd un-tro, neu reolaidd, trwy ein tudalen JustGiving. • Cofrestrwch ar gyfer Easyfundraising i roi wrth i chi siopa (heb unrhyw gost i chi!): Mae dros 3,000 o siopau - gan gynnwys Amazon, John Lewis, a Sainsbury's yn rhoi bob tro y byddwch yn siopa ar-lein. • Ymunwch â'n Loteri 50:50: Mae cymeryd rhan yn y loteri yn costio £5 y mis, gyda'r enillwyr yn cael eu tynnu bob chwarter. Mae 50% o'r gronfa wobrau yn mynd i'r ysgol, 40% i'r enillydd, a 10% i'r un sy'n dod yn ail. Ymunwch â'n loteri 50:50 am gyfle i ennill! • Trefnwch ddigwyddiad codi arian: O stondinau cacennau a theithiau cerdded noddedig i gwisiau neu gyngherddau - gall eich creadigrwydd helpu i ariannu'r dyfodol. Angen help llaw? Cysylltwch â ni a byddwn yn hapus i helpu. E-bostiwch info@ysgolgymraegllundain.co.uk neu ffoniwch ni ar 020 8575 0237 • Ymunwch â'n Clwb Aelwyd: Gall cyn-ddisgyblion a siaradwyr Cymraeg ifanc gyfarfod yn ein Clwb Aelwyd yr Urdd wythnosol. I Flwyddyn 7+ mae'n gyfle i ailgysylltu â hen ffrindiau a rhai newydd, a chymryd rhan yng weithgareddau yr Urdd. Mynychwch un o'n digwyddiadau sydd ar y gorwel. 3. Rhowch bwysau ar ein gwleidyddion • Llofnodwch ein deiseb yn gofyn i Lywodraeth Cymru ymrwymo i gefnogi dyfodol Ysgol Gymraeg Llundain. • Ysgrifennwch at eich MS os ydych chi'n byw yng Nghymru a gofynnwch iddyn nhw ein cefnogi. Mae ein templed yn ei gwneud hi'n hawdd. Dewch o hyd i fanylion cyswllt eich MS yma. Gyda'n gilydd, rydym yn adeiladu dyfodol disglair P'un a ydych chi'n rhoi ychydig neu lawer, yn dweud wrth ffrind neu'n cynnal digwyddiad codi arian - mae eich cefnogaeth yn dod a ni yn agosach at ysgol lewyrchus sy'n dathlu diwylliant a iaith Cymru. Diolch o galon am fod yn rhan o'n cymuned - a'n dyfodol.

Cyfeiriad Ysgol Gymraeg Llundain Canolfan Gymunedol Hanwell Westcott Crescent Hanwell Llundain W7 1PD

Cysylltu Ffôn: 020 8575 0237 E-bost: info@ysgolgymraegllundain.co.uk Mewn argyfwng, neu pan fydd yr ysgol ar gau - E-bost: info@ysgolgymraegllundain.co.uk

Gwybodaeth Athrawes Arweiniol: Miss Emilia Davies BA Anrhydedd, TAR Rhan o'r elusen: The Welsh Schools Trust Cyfyngedig: 1167479